منتديات همس القصيد
اهلا بك اخي الزائر نرحب بك ونود لك قضاء وقت ممتع معنا ونرحب بك
نرحب بتسجيلك معنا

منتديات همس القصيد

منتديات عامة
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الشاعر عبدالله بن زويبن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الشاعر فيصل العزيزي
نائب المدير العام
نائب المدير العام




عدد المساهمات : 74
تاريخ التسجيل : 30/03/2014

مُساهمةموضوع: الشاعر عبدالله بن زويبن   الجمعة أبريل 18, 2014 12:52 am


ياسعود عسى داركـم عمهـا السيـل=عقب البروق اللي تكاشـف جهتهـا
عطني جميـع اخبارهـا بالتفاصيـل=عسـى الرجـوع التاليـة سيلتـهـا
لعلهـا دايــم تـصـب الهمالـيـل=علـى فـروع جبالهـا واوديتـهـا
دار ربـو فيهـا الرجـال المشاكيـل=من ماضي الايام مـا احـد شمتهـا
حمايـة الخايـف وصبابـة الهـيـل=وعوق السمين اللي تمـوح ذنبتهـا
لو كان ما رجي من وراهم محاصيـل=مير الرجـال تحـب مـن سامعتهـا
وفي ضفهم راع العيـون المكاحيـل=الي يـذوب القلـب مـن سلهمتهـا
إلى اقبلت قام يتكفكـف دجـى الليـل=كـل الديـار المظلـمـه نورتـهـا
وإلى ادبرت غطت جسدها المجاديـل=بيـن الخلايـق لـو تعـرى كستهـا
أن كفته مثـل الغصـون المحاميـل=وان فلتـه قـام يتثـنـى تحتـهـا
كنه سبيب اللي ليـا ماحـت الذيـل=راسـه تعـدى راسهـا وأرقبتـهـا
صفرا وهي بعذارها سمعـت الخيـل=اشد من ضـرب الدفـوف أرجفتهـا
وقامت تشيل بنفسها بالسمـاء شيـل=وصاح النذير وسبـق الخيـل جتهـا
خيالها دايـم علـى خصمـه الميـل=إلـى فـرق رجليـه عـن معرقتهـا
شيـخ مضريهـا لنطـح المقابـيـل=صـوب الخـلا بعنانهـا ماعفتـهـا
تفرح به اللـي مـا وراهـا رياجيـل=وصكت عليها خيـل قـوم وخذتهـا
قـوم تقفـوا جلـهـا والمخايـيـل=قفـوا علـى خلفاتـهـا وأجنبتـهـا
وأبطت فـزوع مسحبيـن الشماليـل =وجاء من يرد البـل علـى راعيتهـا
جابه لها وقـت الحـرج رب جبريـل=بنـت الرجـال الـي كبيـر بختهـا
نادى لهـا يـام الحلـق والخلاخيـل=ويـن اتجـاه القـوم يـوم اقتفتهـا
وقامـت بذرعـان زهتهـا المفاتيـل=تنعـت وراهـم ليـن وكـد نعتـهـا
ولحق بسيفٍ لمعتـه مثـل الاستيـل=وصفراً ليـا جـات الحـلاة طمرتهـا
وقامت تزغـرد بالغنـاء والمواويـل=وجاه اندهاش وشاش من غطرفتهـا
تلحـن المـوال عـقـب الـولاويـل=الولـولـه بالغطـرفـة بدلـتـهـا
وأومى بهم مثل الهـوى بالمخاييـل=وضاقت بهم جرد السهـال وسعتهـا
من راح ماعود ومن طاح مـا شيـل=وقطم الحذا راجـت عليهـا اغبرتهـا
فيما مضى واوردتها ضـرب تمثيـل=لوكـان دورات الزمـن كـد محتهـا
دنيا تفرق شمـل جيـل بعـد جيـل=قدامـنـا كــم عـالـم فرقتـهـا
دارت بهـا الايـام مثـل المحاحيـل=عنهـا نحـت فيـه وعنـي نحتهـا
نحت ولاجتنـي خطـوط ومراسيـل=وإلـى كتبـت رسـالـة ٍ ماقرتـهـا
لاكـن قـرار الحـب مافيـه تعديـل=لو عشت بالدنيا إلـى آخـر سنتهـا
هاض الضمير وقلت من عر ض ماقيل=واخير مـن سـرد العلـوم اثمرتهـا
اختـرت ماتصلـح عليـه التعاليـل=مع الرجـال اللـي تصـوغ أمثلتهـا
بعض الرجال يقابـل الكيـل بالكيـل=وبعـض الرجـال تحدهـا معرفتهـا
والنـاس باللـي ماتعرفـه جهاهيـل=ويبيـن غيـب قلوبهـا بالسنتـهـا
وتعـرف فصيلـة دمهـا بالتحاليـل=وتبيـن جنسياتهـا مــن لغتـهـا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر عبدالله بن زويبن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همس القصيد :: همس القصيد :: الشعر الشعبي-
انتقل الى: